काबुल, असार २२ : अफगानिस्तानमा अज्ञात रोग फैलिएको छ । अज्ञात रोगका कारण ५० भन्दा बढी बालबालिका बिरामी भएको अधिकारीहरूले जनाएका छन् ।
देशको दक्षिणी क्षेत्रमा पर्ने जाबुल प्रान्तमा रोग फैलिएको हो । रोगको लक्षण हैजाको जस्तो देखिएपनि केही फरक भएको बताइएको छ ।
जाबुलको तालिवान सरकारको स्वास्थ्य प्रमुख अब्दुल हाकिम हाकिमीले घटनास्थलमा स्वास्थ्य टोली पठाइ सकिएको जानकारी दिनु भएको छ । उहाँका अनुसार टोलीले बिरामीहरूको उपचार गर्नुका साथै रोगका बारेमा समेत अनुसन्धान गरी प्रतिवेदन दिनेछ ।
त्यही प्रदेशमा यसअघि हैजा पनि फैलिएको थियो । प्रारम्भिक विवरण अनुसार अहिले फैलिएको रोग हैजा भन्दा फरक देखिएकाले थप चिन्तित गराएको छ ।
सम्बन्धित शीर्षकहरु
