यस क्षेत्रको समग्र विकासका लागि उम्मेद्वारी
बिजौरी उद्योग वाणिज्य संघको निर्वाचनमा महासचिव पदका प्रत्यासी हुनुहुन्छ दीपेन्द्र केसी‘दीपक’। लोकतान्त्रिक प्यानलबाट महासचिव पदमा उम्मेद्वारी दिनुभएका केसीसँग उहाँको उम्मेद्वारीका विषयमा गरिएको कुराकानीको सारसंक्षेप ।
तपाईको उम्मेद्वारी महासचिव पदमै किन ?
बिजौरी उद्योग वाणिज्य संघ जिल्लामा रहेका उद्योग वाणिज्य संघमध्ये कान्छो संस्थाकारुपमा रहेको छ । यस संस्थाको संस्थागत विकासका लागि मैले महासचिव पदमा उम्मेद्वारी दिएको छु । यस संस्थाको गरिमा बचाउनु पनि मेरो उम्मेद्वारी हो । आजसम्म मैले यस संस्थाको कुनै पजिन पदमा रहेर काम गर्ने अवसर प्राप्त गरेको छैन । अन्य संस्थाहरुमा काम गरे पनि उद्योग वाणिज्य संघ मेरा लागि नयाँ ठाउँ भएकाले यसको समग्र संस्थागत विकासका लागि महासचिवमा उम्मेद्वारी दिएको छु ।
के कस्ता योजनाहरु अघि सार्नुभएको छ ?
अब मेरो पद नै महासचिवमा भएकाले मैले सार्ने योजनाहरु संस्थागत विकासकै लागि हो । आज सूचना प्रविधिको युग हो तर पनि हामीले हरेक सूचना पु¥याउनका लागि घर घरमा कर्मचारी पठाइरहेका हुन्छौँ । अब त्यस्तो होइन हाम्रा व्यवसायीहरुलाई कुनै सूचना पु¥याउनु पर्ने अवस्था आयो भने हातमै रहेको मोबाइलमा पुग्नेछ । सरकारले हात हातमै सेवा पु¥याउने अवधारणा अघि बढाइसक्यो तर अझै हाम्रा जस्ता संस्थाहरुले त्यसलाई कार्यान्वयनमा ल्याउन सकिरहेका छैनौ । अब व्यवसायीहरुले उद्योग वाणिज्य संघमा व्यवसाय दर्ता गर्नका लागि झन्झटिला प्रक्रिया अपनाउनुपर्ने छैन । प्रविधिको उच्चतम प्रयोगबाटै समाधानको उपाय खोज्नका लागि समेत महासचिव पदमा विजयी बनाउनुहुनेछ भन्ने अपेक्षा लिएको छु । अन्य व्यवसायीहरुका समस्या रहेका छन् । घरभाडा समस्या,व्यवसाय प्रवर्धनका लागि समेत हाम्रो उम्मेद्वारी रहेको छ ।
समग्र यस क्षेत्रको विकासका लागि के कस्ता योजना अघि सार्नुभएको छ ?
यस क्षेत्रको समग्र विकासका लागि हामीले उम्मेद्वारी दिएका छौ । बिजौरीको ऐतिहासिकतालाई पुर्नजीवन दिनका लागि समेत उम्मेद्वारी हो ।
बिजौरी दहवन सडकखण्ड बाह्रै महिना सञ्चालनमा ल्याउनुपर्छ । त्यस्तै बिजौरी दहवन,बिजौरी जलकुन्ठी सडक जोड्न सकियो भने तीन जिल्ला जोड्ने रणनीतिक मार्गकारुपमा विकास हुनेछ । यसबाट यस क्षेत्रको समग्र विकासमा टेवा पुग्नेछ । त्यसका साथै हाम्रो यातायात व्यवस्था कार्यालय यसै क्षेत्रमा स्थापना गर्नुपर्छ । कार्यालय स्थापना गर्दा आजको दिनका लागि हेरेर होइन आजभन्दा ५० वर्ष पछिलाई समेत हेर्नुपर्छ । जुन कार्यालयका लागि तीन चार बिगाह जग्गा आवश्यक परिरहेको छ । सम्बन्धित कार्यालयले जग्गा प्राप्तिको प्रक्रिया अघि बढाएको छ , अनि शक्ति नेताको पावरकै आधारमा एकै ठाउँमा करेसाबारी जस्तो ठाउँमा लगेर कार्यालय राख्नु लज्जाको विषय हो । यसको लागि हामी संघर्षै गरेर त्यो कार्यालय यस ठाउँम ल्याउनुपर्छ । त्यसका लागि समेत हामी विजयी हुनुपर्छ । होइन भने हामीले हिजोको मानपुर आज खण्डहर भएको छ त्यस्तै बिजौरी बनाउने परिकल्पना गर्नुहुँदैन । यसै क्षेत्रमा त्यस्ता कार्यालय स्थापना गराउनका लागि हाम्रो उम्म्दवारी हो ।
![](https://tulsipurexpress.com/wp-content/uploads/2023/06/dipaka-dai-683x1024.jpg)